- 303 -

1376. April 4. Liegnitz.

Herzog Ruprecht mit seinen Brüdern verkauft 16 Mark des von der Stadt jährlich zu entrichtenden Erbgeschosses an dieselbe für 160 Mark.

Wir Ruprecht, Wenczlaw, Bonczlaw vnd Heynrich, von gotis gnaden herczogin in Slezien vnd herren czu Legnicz gebrudir, bekennen offenlich mit desem brieffe allen den, dy yn sehen adir horen lesen, daz wir mit gutem rate vnser eldesten getrouwen von vnse selbis nucz vnd notdurft wegen geheysen vnd geboten haben vnsen getrouwen liben . . burgermeystir vnd ratmannen vnser stat Legnicz, daz sy verkewfen sollen vnd mogen vnses rechten erbgeschosses, daz wir ierlich haben off der vorgenanten vnser stat Legnicz, sechczehen mark czu ierlichem czinse czu rechtem vnd nemlichem wedirkuwfe vm hundirt vnd vm sechczig mark Pragescher groschen Polenischer czal, vnschedelich vns vnd vnsen nochkomelingen, erbherren czu Legnicz an vnser losunge an denselben sechczehn marken ierliches czinses vm alsovil geldes muncze vnd werunge, alz vor steet geschreben, vnd qweyten sy der selben sechczehen mark vnses geschossis ierlich von vnser vnd von vnser nochkomlinge wegen, erbherren czu Legnicz alz lange, alz wir sy nicht wedir abekewfen vnd czu vns gelosen vm alze vil geldes, alz vor steet geschreben. Dez czu orkunde haben wir yn desen briff geheysen geben vorsigilt mit vnsem grossen gemeynen anhangenden yngesigil. Daz ys gescheen czu Legnicz noch Cristi geburt vnses liben herren towsund dreyhundirt jar yn dem sechs vnd sebenczegesten jare an sante Ambrosii tage.

O. d. St. L. No. 147. Nur die Pergamentstreifen erhalten. — Bitschens Privilegb. f. CXXXIIIb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866